Showing posts with label Harish Raghuvanshi. Show all posts
Showing posts with label Harish Raghuvanshi. Show all posts

Sunday, December 16, 2018

હિંદી ફિલ્મ જગતના સુવર્ણકાળના પ્રારંભના ૩૫ અવિલાપિત-અલ્પજાણીતાં કલાકારોનાં જીવનપર ફ્લૅશબૅક : इन्हें न भुलाना - હરીશ રઘુવંશી

હિંદી ફિલ્મ સંગીતના ચાહકોની ઘણી પેઢીઓ માટે હિંદી ફિલ્મ સંગીતની કંઈ કેટલીય વાતો, દસ્તાવેજો અને ઘટનાઓની તવારીખના સંન્નિષ્ઠ સંગ્રાહક, સંશોધક અને લેખક તરીકે શ્રી હરીશ રઘુવંશીનું નામ અજાણ્યું નથી. ક્ષતિહિન પૂર્ણતાના તેમના અંગત આગ્રહને પરિણામે તેમની પાસે માહિતીસામગ્રીનો જેટલો ખજાનો છે, તેમાંનો બહુ જ થોડો કહી શકાય એવો ભાગ તેઓએ લેખો / પુસ્તકોમાં ઉતારવાનું મુનાસિબ મન્યું છે. પરંતુ તેઓએ જ્યારે પણ લખ્યું છે ત્યારે તે લેખન શતપ્રતિશત ખરી માહિતી પૂરૂં પાડવાની સાથે સાથે ખૂબજ રસાળ શૈલીમાં રજૂ થયું છે.

શ્રી હરીશ રઘુવંશીની કલમેથી એક એવું નીવડેલું પસ્તક હતું 'ઈન્હેં ના ભુલાના', જે ૨૦૦૩માં પ્રકાશિત થયેલુ, પણ હવે તેની નકલો અપ્રાપ્ય છે. હિંદી ફિલ્મ સંગીતના ચાહકો માટે આનંદના ખબર છે કે શ્રી સુન્દરદાસ વિશનદાસ ગોહરાણીએ ખૂબ ચીવટથી તેનો હિન્દીમાં હવે અનુવાદ કર્યો છે જે સપ્ટેમ્બર, ૨૦૧૮માં इन्हें न भुलाना શીર્ષક હેઠળ પ્રકાશિત થયેલ છે.

હિંદી ફિલ્મોનો ઈતિહાસને ૧૦૦ની ઉપર બીજાં લગભગ છ વર્ષ પુરાં થવામાં છે. સ્વાભાવિક છે કે આટલાં વર્ષોની સફરમાં હિંદી ફિલ્મ ઉદ્યોગના પરદા પર, અને પરદાની પાછળ,સાથે કંઈ કેટલાંય નામી/ અનામી વ્યક્તિઓએ સમયે સમયે જૂદી જૂદી ભૂમિકાઓ ભજવી છે. જૂજ અપવાદોને બાદ કરતાં મોટા ભાગની આ વ્યક્તિઓએ આ કામ વ્યવસાય કરતાં નીજાનંદ અર્થે કલા ઉપાસનાનાં સ્વરૂપે કર્યું છે. આ પૈકી કેટલાંક નામો એવાં હતાં કે એ સમયે બહુ જાણીતાં થયાં હતાં. પરદા પર નાની કે મોટી ભૂમિકાઓ કરનાર એ દરેક વ્યક્તિની કેટલીક આગવી લાક્ષણિકતાઓ લોકોનાં મન પર ઊંડી અસર કરી જતી. એમાંથી જેમનાં નામ સમયની સાથે લોકોની યાદમાંથી ઓજલ ન થઈ ગયાં હોય એવાં ભાગ્યશાળી નામો તો તો સાવ જૂજ હોય, બાકી તો બધાંની નિયતિ આંખોની સામે દૂર થવાથી યાદમાંથી પણ દૂર થઈ જવાની જ લખાયેલી હોય છે.

इन्हें न भुलानाમાં હરીશભાઈએ એવાં ૩૫ ફિલ્મ કલાકારોનાં જીવનની ફિલ્મના પર્દા પરની અને પર્દા બહારની વિગતોને સામેલ કરી છે જેમનાં યોગદાન ઉલ્લેખનીય હોવા છતાં જેમના વિષે કંઈ ખાસ લખાયું નથી. આ કલાકારોની ફિલ્મ કારકીર્દીની મહત્વની વિગતો રજૂ કરવાની સાથે તેમની જન્મ તરીખ, દેહાવસાન તારીખ, જનમ-અવસાન સ્થળ જેવી માહિતી બહુ જ ચોક્કસપણે રજૂ કરવામાં હરીશભાઈનો ક્ષતિરહિત ચોક્સાઈનો આગ્રહ જોવા મળે છે. જે કલાકારોની સ્મૃતિને તાજી રાખવાનો પ્રયાસ આ પુસ્તકમાં કરાયો છે તેમની યાદી આ મુજબ છે –
प्रेम अदीब; रुपहले पर्देके रामगोप; मेरे पिया गये रंगूनक़मर जलालाबादी: इक दिलके टुकडे हज़ार हुए
श्याम: रंगीन तबीअतका जामकरण दीवान: चाक्लेटी हीरोभरत व्यास: तुम गगनके चन्द्रमा हो
कन्हैयालाल: मदर इण्डियाका अकेला 'सुखालाल'जयन्त: गब्बर सिंह के पिताखुमार बाराबंकवी: तस्वीर बनाता हूं
मज़्हर खान: पुलिस विभाग से रुपहले पर्दे तक वास्ती: एक याद किसीकी अती रहीपं. नरेन्द्र शर्मा: ज्योति कलश छलके
नूर मुहम्मद: चार्ली पलट तेरा ध्यान किधर हैडी बीलीमोरिया: र्रुपहले सलीमकी सुनहरी सफलताप्रेम धवन: गीत, संगीत और नृत्यकी त्रिवेणी
मास्टर निसार: अब वो मुक़दर नहीं रहा...ई. बीलीमोरिया डोर कीपर से हीरोमास्टर फिदा हसैन बने 'प्रेम शंकर नरसी'
पी. जयराज : ऐतिहासुक पात्रोंके रुपमें इतिहासमें स्थान बनाने वालेनिगार सुल्ताना: पिन अप गर्लमाधुलाल मास्टर: संगीतके नींवके पत्थर परन्तु संयोगो के समक्ष कठपूतली
कृष्णकान्त उर्फ के.के.: चिरवृध्द अभिनेता कुलदीप कौर: क़ातिल नज़रकी कटारवी. बलसारा: सात दशकका स्वर-संसार
रंजन: 'तलवारबाज़ के रुपमें मान्य प्रतिभाशालीनसीम बानो : 'परी-चेहरा'अल्ला रखा अर्थात तबला
महीपाल: फिल्ममें गीत लीखनेवाळे एकमात्र 'राम'लीला मेहता: स्लीवलेस ब्लाउज़ वाला रोल ठुकराने वालीद्वारकादास सम्पत: मूक फिल्मों का गुजराती मान्धाता
नासिर ख़ान: ट्रेजॅडी-किंगका भाई होनेकी ट्रेजेडीशक़ीळा: बाबूजी धीरे चलनामोहनलाल दवे: हिन्दी फिल्मोंकी पटकथा के गुजराती पितामह
याकूब: रहे नाम अल्लाह कादुलारी: साढे पांच दस्गक का फ़िमी सफर


અહીં જે કલાકારોનાં નામ વાંચવા મળે છે તેની સાથે ઓળખ આપતાં વિશેષણમાં તેમની ફિલ્મ જગત કારકીર્દીની નોંધપાત્ર લાક્ષણિકતા પણ જાણવા મળે છે. હરીશભાઈની ગાગરમાં સાગર સમાવી શકવાની ક્ષમતાની આટલી નિશાની જ આખાં પુસ્તકને વાંચવા માટે આપણી ઉત્સુકતા વધારી મૂકવા માટે પૂરતી બની રહે છે. જૂની અને નવી બન્ને પેઢી માટે જે નામ અલ્પપરિચિત હોવાની શકયતા વધારે છે તેવાં કલાકારો વિષે પ્રસ્તુત પુસ્તકમાં કેવી સ-રસ માહિતી પીરસવામાં આવી છે તેની આછેરી ઝલક જોઈએ –

'હિંદી ફિલ્મોમાં 'ખાન'ની બોલબાલાની પરપરામાં મહત્વનું અગ્રિમ સ્થાન ધરાવતા મજ઼હર ખાન (જન્મઃ ૧૮-૧૦-૧૯૦૫ની અભિનય કળા ૧૯ મૂક અને ૫૨ બોલતી ફિલ્મોમાં પ્રસરી છે.મુકેશને પ્રથમ હરોળના ગાયક તરીકે મુકી દેનાર ગીત દિલ જલતા હૈ તો જલને દે જે ફિલ્મમાં હતું એ ફિલ્મ 'પહલી નજ઼ર' (૧૯૪૫)નાં દિગ્દર્શક મજ઼હર ખાન હતા.

- પોરબંદર પાસે રાણાવાવમાં મેમણ કુટુંબમાં ૧૯૧૨માં જન્મેલા નૂર મહમ્મદની હાસ્ય કલાકાર તરીકેની સફળતામાં પોતાના નામ સાથે પોતાના
આદર્શ ચાર્લી ચેપ્લીનનાં નામને અને કામ સાથે ચેપ્લીનની વેશભૂષાને જોડી દેવાની તરકીબ કારગત થઈ હતી તેમ માની શકાય. ફિલ્મોમાં પોતાનું ભાગ્ય અજમાવવા માટેના પ્રયાસનાં પહેલે પગથિયે તેમને પૂછવામાં આવ્યું 'ગાતાં આવડશે?' તો તેમનો જવાબ હતો : ગાવું, રોવું, દોડવું, ઝાડ પર ચઢવું, નાચવું વગાડવું, ઝઘડવું, તરવું, કાંપવું, બધું આવડશે.

- હિંદી ફિલ્મોમાં ભાઈઓની જોડીઓમાં સૌથી વરિષ્ઠ ગણી શકાય એવી જોડી ડી.(દિનશા) બિલીમોરિયા અને ઈ.(એડી) બિલીમોરિયા ભાઈઓની જોડી હતી. ડી. બિલીમોરિયાની ખ્યાતિ
૧૯૨૮માં મૂક અને પછી ૧૯૩૫માં બોલતી 'અનારકલી" ફિલ્મોમાં સુલોચના (રુબી માયર્સ) ની અનારકલીની ભૂમિકા સામે સલીમની ભૂમિકાની યાદગાર અદાકારી માટે છે, જેમાં કંઈક ફાળો અનારકલી અને સલીમનાં ઉત્કટ ચૂમ્બન દૃશ્યોનો પણ રહ્યો હશે !. ઈ. બિલીમોરિયા એમના સમયના 'હી-મેન' હતા. રેલ્વેમાં ફાયર્મેન બનવા માટે ઘર છોડ્યું,અને નસીબે નોકરી અપાવી પૂનાનાં સિનેમાગૃહમાં ડોરકીપરની.ત્યાંથી મુંબઈ આવ્યા તો એક દિવસ તેમનો કોટ, બૂટ અને ટોપી ચોરાઈ ગયાં. એ હાલતમાં પ્રોજેક્ટરના વિક્રેતાએ તેમને નોકરીએ રાખ્યા. એક વાર ભાઈ દિનશાને મળવા ગયા હતા, તો મેકઅપ મૅને તેમને દીનશા સમજીને મેકઅપ કરી નાખ્યો, અને ત્યાંથી તેમની ફિલ્મ અભિનયનો 'પંજાબ મેલ' ચાલી નીકળ્યો.

- અહીં રજૂ થયેલં ૩૫ કલાકારોમાંથી આજની તારીખમાં હયાત એવાં એક માત્ર લીલા મહેતાને ૧૯ વર્ષે 'રાણક દેવી'ની ભૂમિકા ભજવવા આમંત્રણ મળ્યું. પણ આવી કિશોરી બે બાળકોની માતા રાણક્દેવીનાં પાત્રમાં નહીં શોભે તેમ જણાતાં તેમને બીજું પાત્ર અપાયું. એ પછીથી રેડીયોનાટકોમાં કામ કરતાં કરતાં તેમણે ગાયન કળા પર પણ વિધિપુરઃસરનું શિક્ષણ લીધું અને સેઠ સગાળશા, ગુણસુન્દરી, સત્યવાન સાવિત્રી, કન્યાદાન જેવી ગુજરતી
ફિલ્મોનાં ગીતો ગાયાં. 'ગુણસુંદરી'માં 'ભાભી તમે થાઓ થોડાં થોડાં વરણાગી' કહી શકે એવી આધુનિક નણંદનું પાત્ર ભજવવા માટે તેમને સ્લીવલેસ બ્લાઉસ પહેરવું પડે તેમ હતું એટલે તે ભૂમિકા તેમણે ન સ્વીકારી. સંજોગોનો યોગાનુયોગ કેવો થતો હોય છે - લીલ મહેતાએ દ્વિઅર્થી સંવાદો માટે ખૂબ ચર્ચાસ્પદ બનેલ, મરાઠી નાટક 'સકારામ બાઈન્ડર'માં એક બહુ 'બોલ્ડ' ભૂમિકા પણ નિભાવી !

જે પેઢીએ આ કલાકારોની ફિલ્મો જોઈએ છે તેમને માટે આ પુસ્તક એ ભૂતકાળની એમ મીઠી સફર બની રહે છે, તો નવી, અને આવનારી, પેઢી માટે હિંદી ફિલ્મ જગતની ભવ્ય ઈમારતના પાયામાં કેવાં કેવાં અવિલાપિત-અલ્પજાણીતાં લોકોનાં યોગદાન રહ્યાં છે તે જાણ કરતા રહેવા માટેનો એક સંવેદનશીલ દસ્તાવેજ બની રહેશે.

સંખ્યાની દૃષ્ટિએ, સૌથી વધારે ફિલ્મો ભારતમાં બને છે, પણ એ વિષયનું જે ક્ક્ષાનું અને જે વ્યાપનું દસ્તાવેજી કરણ થવું જોઈએ તે હજૂ આજે પણ નથી થતું. શ્રી હરીશ રગુવંશીનાં 'મુકેશ ગીતકોશ' કે તેમના મિત્ર અને સહધર્મી હરમિંદર સિંહ 'હમરાજ઼'નાં હિંદી ફિલ્મ ગીતકોશ'જેવાં સંશોધનાત્મક પુસ્તકોએ હિંદી ફિલ્મોની ગ્લેમર ઉપરાંત હકીકકત-પરસ્ત માહિતીનાં દસ્તાવેજી કરણ કરવાની પ્રક્રિયાનો પાયો નાખ્યો છે.

આ પ્રકારનાં, અને કક્ષાનાં, પુસ્તકો વધુમાં વધુ લોકો સુધી, લાંબા સમય સુધી પહોંચતાં રહે તે માટે તેનું ડીજિટલાઈઝેન થાય એ બહુ ઈચ્છનીય છે. જોકે એ હાલ પૂરતા તો એટલા આનંદના સમચાર છે કે 'મુકેશ ગીત કોષ'ની નવી આવૃતિ પકાશનાધીન છે. તે ઉપરાંત, હિંદી સિનેમામાં મહત્વનું યોગદાન આપનાર ૧૦૩ ગુજરાતી ફિલ્મી હસ્તિયોની બહુ રસપ્રદ માહિતી પૂરી પાડતા, 'દિવ્ય ભાસ્કર'માં હિંદી સિનેમા ગુજરાતી મહિમા' શીર્ષક હેઠળ, ૨૦૦૮ થી ૨૦૧૦ દરમ્યાન,પ્રકાશિત થયેલ લેખોનું સંકલન પણ પ્રકાશાનાધીન છે.

હરીશ રઘુવંશીનાં 'મુકેશ ગીત કોશ' ગુજરાતી ફ઼િલ્મ ગીત કોશ'ની ફોટોકૉપી આવૃતિઓ તેમ જ હરમિન્દર સિંહ 'હમરાઝ' સાથે લખાયેલ 'જબ દિલ હી ટૂત ગયા' અને હરમિન્દર સિંહ 'હમરાઝ'નાં હિન્દી ફિલ્મ ગીત કોષના વિવિધ ભાગ મેળવવા માટે આ પુસ્તકનાં પ્રકાશકનો સંપર્ક કરવો રહે છે..


* * *


પુસ્તકની હિંદી આવૃતિ અંગેની માહિતી

સપ્ટેમ્બર, ૨૦૧૮ ║ પૃષ્ઠ ૧૫૫ ║ મૂલ્ય રૂ. ૩૦૦ /-

પ્રકાશક: શ્રીમતી સતિન્દર કૌર, એચ. આઈ. જી. - ૫૪૫, રતન લાલ નગર, કાનપુર ૨૦૮૦૨૨

મો./વ્હૉટ્સઍપ્પ +૯૧ ૯૪૧૫૪૮૫૨૮૧ ઈ-મેલ: hamraaz18@yahoo.com


* * *

પુસ્તકના લેખકોનાં સંપર્ક સૂત્ર:

શ્રી હરીશ રઘુવંશી: harishnr51@gmail.com

શ્રી સુન્દરદાસ વિશનદાસ ગોહરાણી: sundergohrani@yahoo.co.in


* * *

નોંધ : અહીં લીધેલ કલાકારોની તસ્વીરો નેટ પરથી સાભાર લીધેલ છે, તેમના પ્રકાશાનાધિકાર મૂળ રચયિતાના અબાધિત રહે છે.

Saturday, June 4, 2016

જાણીતાં ગીતોનાં ઓછાં જાણીતાં કળાકારો (૩)



આપણે ૧૬-૪-૨૦૧૬ના મણકામાં આપણે પ્રસ્તુત વિષયનો પરિચય કર્યો હતો. તે પછી -૫-૨૦૧૬ના અંકમાં આપણે આપણી સફરને આગળ ધપાવી હતી.
આ બે અંકનાં અનુસંધાનમાં આજનાં ગીતો આપણને શ્રી હરીશ રઘુવંશીએ ખાસ પસંદ કરીને મોકલ્યાં છે. હરીશભાઈના ફિલ્મ સંગીત પ્રત્યેના શોખ અને જ્ઞાનનો લાભ આપણને 'ઈન્હેં ના ભૂલાના' શ્રેણી દ્વારા આપણને મળી જ રહ્યો છે. આપ સૌને એ તો વિદિત હશે કે હરીશભાઈએ મુકેશનાં ગીતોને એક સંપૂર્ણ ગીતકોશ તો છેક ૧૯૮૫માં સંપાદિત કરેલ છે.
તો ચાલો, આજે આપણે હરીશભાઈ રઘુવંશીની પસંદના મુકેશનાં ગીતોને પર્દા પર રજૂ કરતાં અજાણ કળાકારો સાથેની સફર આગળ  ધપાવીએ

મૈં જાનતી હૂં, તુમ જૂઠ બોલતે હો - મેમ દીદી (૧૯૬૧) - લતા મંગેશકર સાથે – સંગીતકાર: સલીલ ચૌધરી ગીતકાર: શૈલેન્દ્ર

ગીતમાં જ્યારે જ્યારે પણ મુકેશના સ્વરમાં 'મૈં સચ બોલત હું" કહેવાય છે ત્યારે "સચ્ચ' પર કેટલો ચોક્કસ ભાર મૂકાયો છે તે ધ્યાન પર આવ્યું? પર્દા પર ગીતને રજૂ કરનાર કળાકારોમાં અભિનેત્રી તો તનુજા છે એમ લગભગ બધાંને ખ્યાલ આવી જ ગયો હશે ! અભિનેતા કોણ છે? આગળ જતાં અંતરામાં બીજા બે કળાકારો પણ ગીત વિષે પોતાના મત નોંધાવે છે... જો કે એ કળાકારોને પણ આપણે ઓળખીયે તો છીએ જ...


હમ તુમ યે ખોયી રાહેં ચંચલ ઈશારોંસે બુલાયે, આ જા આ જા મૌસમ હૈ પ્યાર કા -રંગોલી (૧૯૬૨) – - લતા મંગેશકર સાથે  - સંગીતકાર: શંકર જયકિશન ગીતકાર: શૈલેન્દ્ર

ફિલ્મમાં મુખ્ય અભિનય તો કિશોર કુમાર અને વૈજયંતિમાલાને નામે છે. વાર્તાના ભાગ રૂપે આ ગીત બે અજાણ કળાકારોને ફાળે આવી ગયું છે.

પહેલે સે ક્યું હાં ન કી બોલો મેરી જાં - દારા સિંગ (૧૯૬૪)- સુમનકલ્યાણપુર સાથે - સંગીતકાર હંસરાજ બહલ

૧૯૫૪ની આસપાસ દારા સિંગને હીરો તરીકે લઈને બહુ બધી ફિલ્મો બની. તેમાંની ઘણી ફિલ્મોમાં આ ગીતને પર્દા પર રજૂ કરનાર અભિનેત્રી મુખ્ય નાયિકા પણ રહી હતી. જેની કારકીર્દીને તો જો કે આનાથી આગળ બહુ તક ન મળી, પણ એવી બીજી અભિનેત્રી હતી જેને દારા સિંગ સાથેની ફિલ્મોની ભૂમિકાઓએ આગળ જતાં બહુ સફળ કારકીર્દીના દરવાજા ખોલી આપ્યા. હા, એ અભિનેત્રી હતી - મુમતાઝ


ઈતના હુસ્ન પે હુજ઼ૂર ના ગુરૂર કીજિયે, દિલ પે મારોંકા ખયાલ કુછ જુરૂર કીજિયે - મોહબ્બત ઈસકો કહતે હૈં (૧૯૬૫) - મુકેશ – સંગીતકાર: ખય્યામ ગીતકાર: મજરૂહ સુલ્તાનપુરી

ગામડાંની 'ગોરી" (ટુન ટુન)ને જોઈને કોઈ છેલ છબીલો લાઈન મારવા લાગી જાય ત્યારે 'પ્યાર કિયા નહીં જાતા હો જાતા હૈ'નો ખરો અર્થ સમજાય?


સપનોંમેં મેરે કોઈ આયે જાય, ઝલકી દિખાયે ઔર છૂપ જાયે - પૂનમકી રાત (૧૯૬૫) - લતા મંગેશકર અને ઉષા મંગેશકર સાથે - સંગીતકાર સલીલ ચૌધરી ગીતકાર શૈલેન્દ્ર

મુખડામાં મુકેશની પંક્તિ પછી જે સ્ત્રી ગાયિકાઓના સ્વરમાં પંક્તિ છે તેમાં સ્પષ્ટ પણે બે ગાયિકાઓના અવાજ તો સાંભળવા મળે જ છે, જ્યારે દૄશ્યમાં તો એક જ અભિનેત્રી દેખાય છે.. આપણને એમ થાય કે સલિલ ચૌધરીએ તેમનો કોઈ અનોખો પ્રયોગ કર્યો કે શું? પણ અંતરા સુધી પહોંચતાં બીજી અભિનેત્રી પણ હવે જોવા મળે છે અને તેથી બે ગાયિકાઓનો સ્વરને કેમ વાપરવામાં આવ્યા તે સમજાઈ જાય છે.. 

ઝિંદગી હૈ ક્યા ...બોલો ઝિંદગી હૈ ક્યા - સત્યકામ (૧૯૬૯) - કિશોર કુમાર, મહેન્દ્ર કપુર અને સાથીઓ સાથે – સંગીતકાર : લક્ષ્મીકાંત પ્યારેલાલ ગીતકાર: કૈફી આઝમી

કૉલેજનું ભણવાનું પૂરું થયા પછી જીવનના માર્ગ પર નીકળી પડતાં પહેલાં યુવાનો પિકનિક પર જવાની મજા માણી લે છે અને સાથે પોતપોતાની જીવન પ્રત્યેની દૃષ્ટિ પણ આપણને કહી જાય છે.


મેરી તમન્નાઓંકી તક઼દીર તુમ સંવાર દો, પ્યાસી હૈ જ઼િદગી ઔર ઉસે પ્યાર દો - હોલી આયી રે (૧૯૭૦) - મુકેશ – સંગીતકાર : કલ્યાણજી આણંદજી ગીતકાર: ઈન્દીવર

ફિલ્મોમાં એક બહુ જ સફળ કળાકાર સામે બીજા નવોદીતને મૂકવાના પરયોગ નવી વાત નથી. કેટલાક પ્રયોગો એટલા સફળ થયા કે આગળ જતાં એ નવોદીત કળાકાર એક પ્રસ્થાપિત સીતારારૂપે પણ પોતાની આગવી કારકીર્દી બનાવી ગયાં. તો બહુ બધા કિસ્સા એવા પણ થયા જેમાં એ નવોદિત કળાકાર ક્યાંક ગુમ જ થઈ ગયાં...

ચલ ચલ બહતી ધારા... માઝી નૈયા ઢૂંઢે કિનારા, કિસી ન કિસીકો ખોજતા હૈ યે જગ સારા - ઉપહાર(૧૯૭૧) – સંગીતકાર: લક્ષ્મી કાંત પ્યારેલાલ ગીતકાર: આનંદ બક્ષી

બંગાળી સમાજની પ્રૂષ્ઠભૂમિ પર ફિલ્માયેલ આ ફિલ્મ સમયે જયા ભાદુરી ખુદ એક નવું જ નામ હતાં. ફિલ્મમાં નાયક બંગાળના અભિનેતા સ્વરૂપ દત્ત છે. ૧૯૭૦ના દાયકામાં મુખ્ય વાણિજ્યિક ધારામાંથી જ અળગી જગ્યા બનાવીને કળાત્મક ફિલ્મો બનાવવાના બહુ જ આગવા પ્રયોગો થયા હતા. એ ફિલ્મોમાં રજૂ થયેલાં કળાકારોની એક આગવી પહેચાન થઈ, જેને કારણે એમની કારકીર્દી દરમિયાન કેટલાંય બહુ જ દર્શનીય ફિલ્મો બનતી રહી.

હાલ ચાલ ઠીક ઠાક હૈ, સબ કુછ ઠીક ઠાક હૈ - મેરે અપને (૧૯૭૧) - કિશોર કુમાર અને સાથીઓ સાથે - સંગીતકાર સલીલ ચૌધરી ગીતકાર ગુલઝાર

૧૯૬૦ના દાયકાના અંતમાં શિક્ષિત યુવાનોને અર્થપૂર્ણ રોજગાર ન મળવાને કારણે પેદા થતી નિરાશામાંથી જન્મતાં સામાજિક વમળોની વાતને ગુલઝારે બહુ જ સંવેદનશીલ શૈલીમાં રજૂ કરી છે. પ્રસ્તુત ગીત આ યુવાન બેકારોનાં દિલની જુબાનને વાચા આપે છે.   

ઈન્સાન હસે યા રોયે જો હોના હૈ વોહ હોકે રહેગા..કહાની કિસ્મત કી - કહાની કિસ્મત કી (૧૯૭૩) – સંગીતકાર: કલ્યાણજી આણંદજી ગીતકાર: રાજેન્દ્ર કૃષ્ણ

આપણી ફિલ્મોમાં ફિલ્મનાં ટાઈટલ્સમાં જ ગીત મૂકવાની એક આગવી પ્રથા છે. કોઈ વાર આવાં ગીત માત્ર બેકગ્રાઉન્ડમાં જ સાંભળવા મળે કે કોઈ વાર પ્રસ્તુત ગીતની જેમ તેને પર્દા પર ભજવવામાં પણ આવે. ત્રીજો એક પ્રકાર છે કોઈ એક શીર્ષગીતને માત્ર વાદ્યસજ્જામાં જ મૂકવું. આ ત્રણે પ્રકાર અલગ અલગ વિષય  તરીકે ખેડાયા છે. આપણે તેની વાત ક્યારેક અલગથી કરીશું.


આ ઉપરાંત હવે પછી જે ગીતો છે તેની દૃશ્ય ક્લિપ અપલોડ નથી થઇ તેથી એ ગીતના અજાણ કળાકારને આપણે હજૂ પણ જોઈ શકતાં નથી. હા, ગીત જ થોડાં ઓછાં જાણીતાં હોવા છતાં સાંભળવાં બહુ જ ગમે તેવાં છે....

ડાલેંગે રંગ ડાલેંગે, અપના તુમ્હેં બનાયેંગે - મેરા દોસ્ત (૧૯૬૯)સંગીતકાર: લક્ષ્મીકાંત પ્યારેલાલ ગીતકાર : આનંદ બક્ષી - પર્દા પર કળાકાર: એ. રાજન



દિલને તો દિયા - બેદર્દી (૧૯૫૧) - સંગીતકાર: રોશન - ગીતકાર : કિદાર શર્મા - પર્દા પર કળાકાર: જશવંત


આજ પૂરતો અહીં વિરામ લેતાં પહેલાં, ૬-૫-૨૦૧૬ના મણકામાં રજૂ થયેલ ગીતોમાના જે કળાકારોને ઓળખી શકાયા છે તે આ મુજબ છે-


હવે પછીના અંકમાં બહુ જાણીતાં / ઓછાં જાણીતાં ગીતોના સાવ જ અજાણ બની રહેલ કળાકરો સાથેની સફર ચાલુ રાખીશું.