ફુર્સત એ ઇશ્વરીય ભેટ છે. આ પળોને કુટુંબસાથે માણો કે સારી સોબતમાં ગાળો કે આ પળોમાં મનને પ્રફુલ્લિત કરે તેવું વાંચો કે દિલ ઝુમી ઉઠે તેવું સંગીત સાંભળો કે તમે હંમેશ જે કરવા ધારતા હતા પણ કરી નહોતા શકતા તે બધું જ કરો.
૩૧ જુલાઇ, ૨૦૨૧ના રોજ ,મોહમ્મદ રફીની ૪૧મી પુણ્યતિથિના રોજ ક્યા યાદ તુમ્હેં હમ આયેંગે૨૪ડિસેંબર ૨૦૨૧ના રોજ ૯૭મી જન્મજયંતિએ મેરે ગીતોંકા સિંગાર હો તુમ શીર્ષક હેઠળ મોહમમ્દ રફીનાં હિંદી ગૈરફિલ્મી માટે યુ ટ્યુબ
પર શોધખોળ કરતો હતો ત્યારે સાથે સાથે તેમનાં ગુજરાતી ગૈરફિલ્મી ગીતો પણ હાથે ચડી
રહ્યાં હતાં. '૭૦ના દાયકામાં એ ગીતો રેડીઓ પર ખુબ સાંભળવા મળતાં. એટલે મોહમ્મદ રફીની આજે
૯૮મી જન્મજયંતિની અંજલિ પણ એ ગૈરફિલ્મી ગુજરાતી ગીતોને યાદ કરીને આપીએ એવું મનમાં
વસ્યું.
જોકે યુ ટ્યુબ પર તો ત્રણ ખુબ જાણીતાં જ ગુજરાતી ગૈર ફિલ્મી
ગીતો મળ્યાં. એટલે નજર દોડાવી
માવજીભાઈ.કોમના ગીત ગુંજન વિભાગમાંના ગુજરાતી ગીતોપર. અહીં પણ મેં ધારી હતી એ
માત્રામાં મોહમ્મદ રફીનાં ગુજરાતી ગૈર ફિલ્મી ગીતો ન મળ્યાં. એટલે ગુજરાતી
ફિલ્મોનાં મોહમ્મદ રફીએ એવાં ગીતોને અહીં સમાવવાનું નક્કી કર્યું જે હિંદી ફિલ્મોના
સંગીતકારોએ સંગીતબદ્ધ કર્યાં હોય.
એકંદરે મોહમ્મદ
રફીનાં અવિનાશ વ્યાસ રચિત 'નૈન ચક્ચુર છે' કે દિલીપ ધોળકિયા
રચિત 'મીઠડી નજરૂં વાગી' જેવાં ખુબ લોકપ્રિય ગીતો ઉપરંત કેટલાંક ઓછાં જાણીતાં ગીતો સાંભળવાની તક મળી
તેનો તો સંતોષ થયો જ પણ તે સાથે મોહમ્મદ રફીનાં આ તબક્કે ઉપલબ્ધ ગુજરાતી ગીતોને એક
સાથે સાંભળવાની તક મળી.
હિંદી ગૈરફિલ્મી
ગીતોની જેમ ગુજરાતી ગૈર ફિલ્મોના પણ તત્ત્વતઃ એવી કાવ્ય રચનાઓ છે જેમાં મોહમ્મદ
રફીના સ્વરની વિવિધ ઉર્મિઓની રજુઆત અનુભવી શકાય. જે ગુજરાતી ફિલ્મી ગીતો મળ્યાં છે
તે બધાં જ બેકગ્રાઉંન્ડ પ્રકારનાં જ ગીતો છે. આવું થવા પાછળનાં કારણો ગુજરાતી
ફિલ્મોના પ્રવાહોના અભ્યાસ કરનાર વિવેચકો અને ઇતોહાસકારો જ કહી શકે. તેથી આપણે તો એ ગીતોને એક સાથે સંભળવાની મજા માણીને
મોહમ્મદ રફીને તેમની ૯૮મી જન્મજયંતિની યાદાંજલિ આપીએ.
ભૂલે ચૂકે મળે તો મુલાકાત માગશું, શણગારવા હૃદયને એક
આઘાત માગશું– (૧૯૭૧) -ગીતકાર:બદરી કાચવાલા - સંગીતઃ
પુરુષોત્તમ ઉપાધ્યાય
પ્રણયમાં વિઘ્નો કે નિષ્ફળતાને
કારણે હૃદયભગ્ન પ્રેમીની લાગણીઓને વાચા આપતી પદ્ય રચનાઓ ગૈર ફિલ્મી ગીતો માટે એક
બહુ આદર્શ વિષય બની રહે છે.
અહીં કવિ પ્રેમીને 'જેની સવાર ના પડે એ રાત માંગશું' એવી પહેલી મુલાકાત સુદ્ધાં ઈચ્છતો બતાવે છે. પ્રેમી જાણે છે કે 'માન્યું કે જેને મળવું છે તેઓ નહિ મળે' તો પણ તે સકારાત્મક દૃષ્ટિએ 'મૃત્યુ પછીની લાખ મૂલાકાત માંગશું' ની અભિલાષા સેવે છે.
નિરાશામાંના આશાવાદી સુરને
સંગીતકાર અને ગાયકે અહીં તાદૃષ કરેલ છે.
કહુંછુજવાનીનેપાછીવળી જા,
કે ઘડપણનું ઘર મારું આવી ગયું છે - ગીતકાર: અવિનાશ વ્યાસ - સંગીતઃ પુરુષોત્તમ
ઉપાધ્યાય
અહીં પણ કવિ આશાવાદનો સુર ઘૂટે
છે.
મનને ન ગમતું ઘડપણનું ડહાપણ પણ તન તારું સગપણ ભુલાવી રહ્યું છે..
અને પ્રેમી આજે પણ જીવનનાં
રંગીન સ્વપ્નાં જૂએ છે.
દિવસો જુદાઈના જાય છે એ જશે જરૂર મિલન સુધી- (૧૯૭૦)– ગીતકાર: ‘ગની’ દહીંવાલા
- સંગીતઃ પુરુષોત્તમ ઉપાધ્યાય
જુદાઈના દિવસો પણ મિલન સુધી જ
લઈ જશે એ આશાવાદ કેવો પ્રેરક છે.
ગની દહીવાળાની સર્વોત્તમ રચનાઓ
પૈકી અગ્રણી એવી આ રચનાને સંગીતકાર અને ગાયક બન્નેએ કેવો ભાવવાહી ન્યાય કર્યો છે !
અહીં વળી પ્રેમના એકરારને પરિણામે મનમાંથી છલકતા આનંદની વાત માંડી છે.
ગીતની બાંધણી પણ એ જ ભાવને અનુરૂપ છે અને મોહમ્મદ રફીના સ્વરમાં પણ હવે વિચારમગ્નતા
કે કારુણ્ય ભાવની ગહરાઈને બદલે આનંદની છોળો ઉડે છે.
હો તારી આંખોમાં
જાદુના તીર ભર્યાં રે - ? - ?
ગીતના ગીતકાર કે સંગીતકારની વિગતો નથી મળી શકતાં. પરંતુ
મોહમ્મદ રફી તેમના મૂળ રંગમાં ખીલે છે.
મિલનનાદીપક સૌબુઝાઈગયા છે, વિરહના તિમિર પણ
ગહન થઈ ગયાં છે- સ્નેહ બંધન
(૧૯૬૭)– ગીતકાર: બરકત વિરાણી ‘બેફામ’ -સંગીત: દિલીપ ધોળકીયા
સાંભળતાંવેંત, આ ગીત ફિલ્મમાં બેકગ્રાઉંડમં મુકાયું હોય તેમ જણાઈ આવે. ગીતની બાંધણી પણ એ જ
પ્રમાણે કરી લાગે છે. પણ
ગીતના બોલ ધ્યાનથી સાંભળતાં જે વાત ખાસ ધ્યાન પર આવ્યા વિના નથી રહેતી તે છે
ગીતમાં રહેલું મૂળ કાવ્યતત્વ. આખું કાવ્ય વિરહની ઊંડી વેદનાનું એટલું હૃદયસ્પર્શી
વર્ણન કરે છે કે રેકોર્ડ પર જે પંક્તિઓ નથી સમાવાઇ
ઊંચા સુરમાં થતા ઉપાડથી શરૂ
થતું ભજનના ઢાળમાં રચાયેલાં ગીતનું દરેક અંગ સર્વાંગપણે બેકગ્રાઉંડ ગીતોના
પ્રકારનું નિરૂપણ છે.
વસંત દેસાઈએ હિંદી ફિલ્મોમાં
મોહમ્મદ રફીના સ્વરનો બહુ વ્યાપકપણે પ્રયોગ નથી કર્યો. આ ફિલ્મમાંનાં એક અન્ય
રોમેંટીક યુગલ ગીતમં પણ એ સમયે જેમ વધારે ચલણ હતું તેમ મહેંદ્ર કપુરનો સ્વર
પ્રયોજવામાં આવ્યો છે. એ દૃષ્ટિએ બેકગ્રાઉંડ ગીત માટે મોહમ્મદ રફીની પસંદગી
ધ્યાનપાત્ર જરૂર લાગે.
વનરાજ ભાટીઆએ પણ મોહમ્મદ રફીના
સ્વરનો બહુ ઉપયોગ નથી કર્યો. પરંતુધીમી લયમાં ઘૂંટાતાં દર્દની વ્યથા વ્યક્ત કરવા તેમણે મોહમમ્દ રફીના સ્વરનો , રફીની કારકિર્દીના છેક અંતકાળમં પણ, પ્રયોગ કર્યો છે તે વાત ધ્યાન ખેંચે છે.
આ સિવાય જો મોહમ્મદ રફીએ ગાયેલં અન્ય ગૈર ફિલ્મી ગીતોની આપને ધ્યાનમાં હોય તોઅહીં પ્રતિભાવમાં
જરૂરથી જાણ કરશો.
૩૧ જુલાઇ,
૨૦૨૧ના રોજ ,મોહમ્મદ રફીની ૪૧મી પુણ્યતિથિના રોજ ક્યા યાદ તુમ્હેં હમ આયેંગેશીર્ષક હોઠળ
તેમનાં ગૈર ફિલ્મી ગીતો અને ગ઼ઝલોમાંથી કેટલાંક ગીતો તેમજ ગ઼ઝલોને યાદ કર્યાં ત્યારે મોહમદ રફીનાં ગૈર ફિલ્મી ગીતોની યાદોને એક લેખમાળાના ઉપક્રમે લખી શકાશે એવો
સભાન ખયાલ નહોતો. પરંતુ તેમની ૯૭મી પુણ્યતિથિના સંદર્ભે એ લેખ માટે ચુંટી કાઢેલાં
ગીતોમાંથી જે નહોતાં સમાવી શકાયાં તે ગીતોની યાદી પરનજર કરતાં એમ જણાયું કે મોહમ્મદ રફીના જન્મની
શતાબ્દી સુધી ઈન્ટરનેટ પરથી જેટલાં મળે તેટલાં તેમનાં ગૈર ફિલ્મી ગીતોને એક
લેખમાળામાં પરોવી લેવાનો પ્રયાસ કરવામાં માત્ર વધારેમાં વધારે ગીતોને ફરીથી યાદ
કરવાનો લ્હાવો જરૂર લેવો જોઇએ. પણ તે સાથે મોહમ્મદ રફીના ચાહકોએ જે જહેમત ઉઠાવીને
આ બધાં ગીતોને ક્યાંય ક્યાંયથી શોધીને ઈન્ટરનેટ પર મુકવાની જે પ્રતિબધ્ધતા દાખવી
છે તેમને પરોક્ષપણે બીરદાવી લેવાની તક પણએ રીતે ઝડપી લેવી જોઈએ.
તો આવો યાદ કરીએ મોહમ્મદ રફીનાં ગૈરફિલ્મી ગીતોના
ખજાનામાંથી ગીતો અને ગ઼ઝલોનાં અન્ય કેટલાંક રત્નોને…...
'૬૦ના દાયકામાં ખય્યામે
ગૈર ફિલ્મી ગીતોને ક્ષેત્ર આપણને અનેક ચિરસ્મરણીય રચનાઓ આપી હતી. તેમાં પણ તેમને
રચેલ મોહમ્મદ રફીનાં ગૈર ફિલ્મી ગીતોની ભાત જ સાવ અનોખી હતી.
પ્રસ્તુત રચનામાં રજુ થયેલ ગ઼ાલિબની ગ઼ઝલના બોલ સામાન્ય
શ્રોતાને સમજાય એટલા સહેલા તો નથી જ, પરંતુ તેના શુદ્ધ ઉ્ચ્ચારો પણ કદાચ ખબર ન હોય એમ પણ બને.
પરંતુ ખય્યામે આ ગ઼ઝલની બાંધણી જે રીતે કરી છે તેમાં શ્રોતા ગ઼ઝલના ભાવમાં તો મગ્ન
થઈ જ ઊઠે છે તો મોહમ્મદ રફી એ ભાવને શુદ્ધ ઉ્ચ્ચારો સાથે બરાબર ઝીલી લે છે.
સામાન્ય શ્રોતા માટે મહદ અંશે અજાણી, કદાચ થોડી અઘરી, પદ્ય રચનાની રજુઆત એવી રીતે કરવી કે શ્રોતા તેના ભાવમાં
ખેંચાયા વગર રહી જ ન શકે એ તો મોટા ભાગનાં ગૈર ફિલ્મી ગીતોની રજુઆતની અલગ શૈલી જ
બની રહી .
હવે જોઈએ બોલ સમજવામાં સરળ જણાતાં ગીતની રજુઆત ખય્યામ કેવી
રીતે કરે છે. –
પોતાના પહેલા પ્રેમની અસર પ્રેમીનાં જીવનનાં દરેક અંગમાં
પ્રસરી રહે એ અનુભૂતિને કવિ, સંગીતકાર અને ગાયક ત્રણેય પોતપોતાની રીતે તાદૃશ કરી છે.
મોહમ્મદ રફીનાં હવે એવાં જાણીતાં ગૈર ફિલ્મી ગીતો સાંભળીશું જેના ગીતકાર કે
સંગીતકારનાં કદાચ આપણે નામ પણ ન સાંભળ્યાં હોય. આ વિષય પર પણ જો ચીવટથી શોધખોળ
કરીએ તો એ દરેક નામની પાછળ ગૈર ફિલ્મી ગીતોના ખજાનાઓ મળી આવવાની સંભાવનાઓ નિશ્ચિત
છે. પણ હાલ પુરતી એ વાત હવે પછી ક્યારેક….
હાયે મહેમાન કહાં તે ગ઼મ-એ-જાના હોગા, ખાના-એ-દિલ તો કોઈ રોજ઼મેં વિરાં હોગા -ગીતકાર: દાગ દહેલવી – સંગીતકાર: તાજ અહેમદ ખાન
દાગ દહેલવી જોકે ઉર્દુ શાયરીનાં ક્ષેત્રે ઓછું જાણીતું નામ ન જ કહેવાય. જે
લોકોએ ગૈર ફિલ્મી ગીતો સાથે સારો એવો મહાવરો કેળવ્યો છે તેમને તો તાજ અહેમદ ખાન
નામ પણ કદાચ જાણીતું જ હશે. પરંતુ દેખીતી રીતે ગાવામાં બહુજ અઘરી જણાય એવી રચનાને
એકદમ ભાવવાહી , કર્ણપ્રિય (ગૈર ફિલ્મી)રચનાઓમાં,
અને તે પણ ઓછામાં
ઓછાં વાદ્યોના સાથ વડે, ઢાળનાર આ તાજ અહેમદ ખાન ફિલ્મોમાંકેમ નહીં જ આવ્યા હોય એ સવાલનો જવાબ જાણવા જેવું તો ખરૂં !
તાજ મોહમદ ખાનની મોહમ્મ્દ રફીના સ્વરમાં રચાયેલી હજુ એક વધારે રચના પણ સાંભળી
જ લઈએ...
'એક સમયે જેને દિલ સોંપ્યું હતું તે જ આજે પ્રેમમાં હરીફ બને તો હવે સંદેશવાહ્ક
કોને બનાવીએ' જેવી તીવ્ર ઘુટનને
વાચા આપતા ગ઼ાલિબના સંયમિત બોલને એટલી જ તીવ ઉત્ક્ટતાની બાવનામાં ગીત સ્વરૂપે
રજુ કરતી સંગીતમય બાંધણી એટલી જ સંયમિત હોય તેવું તાજ અહેમદ ખાન કરી બતાવે છે અને
તેની તાદૃશ રજુઆત મોહમ્મદ રફી કરે છે.
ઇન્ટરનેટ પર તાજ અહેમદ ખાન વિશે ભલે બહુ માહિતી ન જોવા મળે,
પણ તેમની ગીત
રચનાઓ તો મન ભરીને સાંભળવા મળે છે. પરંતુ આપણે હવે બીજા સંગીતકારો તરફ વળીશું.
'જી ના સકેગી' પર જે અનોખી શૈલીમાં ભાર મુકીને ગીતના કેન્દ્ર ભાવને અદૂભૂત
ઉઠાવ આપવાના સર્વહક્કો માત્ર 'સફળ' સંગીતકારોને જ સ્વાધીન હોય તેવું જરૂરી થોડું છે! એ તડપનો
અંજામ કેવો આવશે તે જાણવાની ઉત્સુકતા આપણને પણ આખાં ગીત દરમ્યાન તડપાવે છે.
શામ કે દીપક જલે મન કા દીયા બુજ઼ને લગા, ચાંદની તો આ ગયી…. મધુબન મેરા જલને લગા – ગીતકાર: મધુકર રાજસ્થાની – સંગીતકાર: વિનોદ ચેટર્જી
મધુકર રાજસ્થાની તેમની કવિતામાં ઈંતજ઼ારની તડપને જે રૂપકોથી ઘુંટી છે તેને
એટલી જ અસરકારક ગીતરચનામાં ઢાળવાની હિંમત તો'અજાણ' સંગીતકાર કોઈ ગૈર ફિલ્મી ગીતનાં સ્વરુપે જ દાખવી શકે કેમકે
તેને એટલી તો ખાત્રી છે કે એ ભાવને તાદૃશ કરી આપે એવા ગાયક મોહમ્મદ રફીની હૈયા
ઉકલત પર પુરેપુરો વિશ્વાસ કરી શકાય !
ગીતના બોલઅને તેની સંગીતમય
ધુનમાંબાંધણી એ બન્ને
દષ્ટિએ ગીતને હૃદયને સ્પર્શી જાય એ ભાવથી ગાયકીમાં રજુ કરવું સરળ તો નથી જ જણાતું.
પણ મોહમ્મદ રફીને સાંભળીએ ત્યારે એ બધા વિચારો સૂર્યપ્રકાશ ઉગતાં સાથે વીખરાઈ જતાં
ધુમ્મસ પેઠે દૂર થઈ જાય છે.….
સામાન્ય રીતે હું કોઈ પણ કામ કરતો હોઉં ત્યારે મને ગમતાં ગીતો બેકગ્રાઉન્ડમાં
- કાઉન્ટર મૅલોડીની જેમ - વાગ્યા કરતાં હોય ! આ ગીત એ ગીતોમાંનું એક ગીત છે કે
જેવું તે વાગવાનું શરૂથાય એટલે અભાનપણે જ
મારૂં કામ કરતું સજાગ મન થંભી જાય…….આ ગીતોની પકડ આટલી બધી અવશ કરી નાખનારી હોય
છે……..
નક઼્શ લ્યાલપુરીની પદ્ય રચનાઓ સામાન્યપણે સરળ નથી જ હોતી,
પણ અહીં સંગીતકારે
તેની બાંધણી ખુબ કર્ણપ્રિય ધુનમાં કરી છે…...ગીતની એક બીજી નોંધપાત્ર બાબત મને
લાગી છે તે રફીનો બહુ જવલ્લે જ સાંભળવા મળે એવા ઘેરા સુર અનેતેને વધારે ઘુંટી આપવાનો અનુભવ કરાવતી રેકોર્ડિંગની
તકનીક….અને તેમ છતાં આ ગીત સરવાળે તો બહુ જ ટાંચાં સાધનોથી રચાયેલું એક 'અદનું' ગૈર ફિલ્મી ગીત જ છે ! !
મોહમ્મદ રફીની
તિથિની યાદને અંજલિ આપવા પુરતી મર્યાદિત તૈયારીથી કોઈ યોજના સિવાય પસંદ કરેલં
ગીતોને જ્યારે લેખનાં સ્વરૂપમાં મુકી દીધી ત્યારે મોહમ્મદ રફીનાં ગૈર ફિલ્મી ગીતો
દ્વારા જ મોહમ્મદ રફીની જન્મ શતાબ્દી સુધીને દરેક તિથિઓએ તેમણે ગાયેલાં ગૈર ફિલ્મી
ગીતો દ્વારા અંજલિ આપતાં રહેવાનું મારાથી
નક્કી થઈ ગયું તે આટલાં ગીતો સાંભળીને આપ સૌને પણ અજુગતું નહી જણાય એ આશા
સાથે ફરી મળવાનાં વચન સાથે,
અહીં,
વિશ્રામ લઈએ….
’૩૦ અને ‘૪૦ના દાયકાઓમાં રેકોર્ડિંગ કંપની સમાન્યપણે ગાયકોનાં ગીતોના બધાજ પ્રકાશન હક્કો તેમની પાસે રહે એ મુજબના કરારો કરી લેતી. એ સંજોગોમાં અન્ય, નવીસવી કે રહી ગયેલી, કંપનીઓ પોતાની હાજરીની નોંધ લેવાય એટલે બીજાં ગાયકોની ગૈર-ફિલ્મી ગીતોની રેકોર્ડ બહાર પાડતી. ગૈર-ફિલ્મી ગીતોની પધ્ધતિસરની રેકોર્ડ બહાર પાડવાનાં ચલણની શરૂઆત કદાચ અહીંથી થઈ ગણી શકાય. તે પછીની પેઢીના ગાયકો તો ફ્રીલાન્સ રહેવાનું પસંદ કરવા લાગ્યા, એટલે રેકોર્ડ કંપનીઓ આખીને આખી ફિલ્મોનાં ગીતોના જ હક્કો ખરીદવાનું ચાલુ કર્યું. એટલે વળી અન્ય નાની કંપનીઓ વર્ઝન ગીતોની ગૈર-ફિલ્મી રેકોર્ડ બહાર પાડવા તરફ વળી. ’૫૦ અને ૬૦ના દાયકાઓનાં બજારલક્ષી પરિબળો ફરી નવાં સ્વરૂપે ઉભરવા લાગ્યાં હતાં, પણ તે દરમ્યાન ગૈર-ફિલ્મી ગીતોનો એક અલગ ચાહક વર્ગ ઊભો થઈ ચૂક્યો હતો, જેણે ગૈર-ફિલ્મી ગીતોના પ્રકારને એક અલગ ઓળખ બક્ષી અને એ ઓળખને વિકસાવી અને સંવારી પણ.
ફિલ્મોનાં ગીતોની સરખામણીમાં ગૈર-ફિલ્મી ગીતોની કક્ષા કઇંક અંશે ગૌણ રહેતી મનાવા છતાં એ સમયના પ્રથમ હરોળના લગભગ દરેક ગાયક માટે ગૈર-ફિલ્મી ગીતોનું અલગ સ્થાન જળવાતું રહ્યું. એ બધાં જ ગાયકોએ ગૈર-ફિલ્મી ગીતોને માટે પૂરી લગન પણ દર્શાવી. ‘૫૦ના દશકનાં ઘણાં ગાયકો માટે ‘૬૦ના દાયકાનાં શ્રોતાઓની બદલાતી પસંદને અનુરૂપ બહાર પડતો ફિલ્મી ગીતોનો ફાલ નાણાં જરૂર રળતો હતો પણ આત્મસંતોષ નહોતો આપતો. નવાં ફિલ્મી ગીતોની ચમકદમકમાં ખોવાતી જતી દેખાતી તેમની મૂળ ઓળખ તેમને ગૈર-ફિલ્મી ગીતોના શીળા છાંયડામાં મળતી અનુભવાતી. આમાંનાં કેટલાંય ગૈર-ફિલ્મી ગીતો તો એ ગાયકોની સમગ્ર કારકિર્દીનાં શ્રેષ્ઠ ગીતોમાં પણ સ્થાન પામ્યાં.
મોહમ્મદ રફી પણ આવા જ એક ગાયક હતા જેમને માટે ગૈર-ફિલ્મી ગીતો એક અલગ જ અને અનેરૂં મહત્ત્વ ધરાવતાં રહ્યાં. મોહમ્મદ રફીએ ગાયેલાં ૪૫૦૦ થી ૬૦૦૦ ગીતોના એક અંદાજમાં ગૈર ફિલ્મી ગીતોની સંખ્યાનો અંદાજ ૩૦૦થી ૭૦૦ ગીતોની વચ્ચે મનાય છે. પરંતુ, મોટા ભાગના જાણકારોના મત મુજબ, સહેલાઈથી પ્રાપ્ત રહેલ ગીતોની સંખ્યા માંડ સોએક ગીતો જેટલી હશે. આમાંના એક પણ આંકડાને સાચો યા ખોટો કહેવા માટે મારી પાસે કોઈ પૂર્ણત: વિશ્વનીય આધાર નથી. તેથી આજના આ લેખ માટેનાં ગીતોની ખોજ કરવા માટે મેં ઇન્ટરનેટ પર મળતા સંદર્ભો પર આધાર રાખ્યો છે..
એ રીતે એકઠાં કરેલાં મોહમ્મદ રફીનાં ગૈર-ફિલ્મી ગીતો અને ગઝાલોમાંથી મને ગમતાં, કેટલાંક જાણીતાં અને કેટલાંક પ્રમાણમાં ઓછાં જાણીતાં ગૈર-ફિલ્મી ગીતો અને ગઝલોને આજે મોહમ્મદ રફીની યાદમાં અહીં રજુ કરેલ છે. આ ગીતોમાં મોહમંદ રફીએ ગાયેલ ભક્તિભાવનાં ગૈર-ફિલ્મો ભજનો અને નાતને નથી આવરી લીધાં. તે જ રીતે તેમણે ગાયેલાં ગૈર-ફિલ્મી દેશપ્રેમનાં ગીતોને પણ બાકાત રાખ્યાં છે.
+ + +
’૬૦ના દાયકાના બીજા ભાગમાં રેડીયો સિલોન કે વિવિધ ભારતી કે સ્થાનિક રેડીયો સ્ટેશનો પર આવતા કેટલાક કાર્યક્રમો સાંભળતાં સાંભળતાં હિંદી ફિલ્મોનાં ગીતો સાંભળવાનો મારો શોખ કેળવાયો. ‘૭૩માં મારા પહેલા પગારમાંથી ખરીદેલ એચએમવીનાં એક સાદાં રેકોર્ડપ્લેયર અને ચાર રેકોર્ડોએ એ શોખને વધારે ઘૂંટ્યો. તે પછીથી બહુ થોડા જ સમયમાં મેં લગભગ એક દસકાથી વધારે સમયથી ચલણી રહેલી એક લોંગપ્લે કોર્ડ ખરીદી જેનું શીર્ષક હતું ‘This is Mohammad Rafi’. આ રેકોર્ડમાં એક તરફ મોહમ્મદ રફીએ ગાયેલ ગૈર ફિલ્મી ગીતો અને ગઝલો હતી અને બીજી તરફ ગૈર-ફિલ્મી ભજનો હતાં. હિંદી અને ઉર્દુ પદ્ય સાહિત્યના જાણીતા કવિઓ અને શાયરોની રચનાઓને સંગીતકાર ખય્યામે તેમની આગવી અને બીનપરંપરાગત શૈલીથી સ્વરબધ્ધ કરેલ.
હિંદી (તેમજ ગુજરાતી) ગૈર-ફિલ્મી ગીતોની મારી આજ સુધી જીવંત રહેલ ચાહતનું બીજ આ રેકોર્ડનાં અનેકવાર સાંભળવામાં રોપાયું. એ પછી મેં રફીની અન્ય ગૈર-ફિલ્મી ગીતોની રેકોર્ડો અને તે સાથે મન્ના ડે, તલત મહમુદ, સુમન કલ્યાણપુર જેવાં બીજાં ગાયકોની પણ રેકોર્ડ અને કેસેટ્સ પણ વસાવી. જોકે આ બધાં ગીતોનો હું ગંભીરપણે સંગ્રાહક ક્યારે પણ નહોતો એટલે મારો એ સંગ્રહ, અને મને સાંભળવા મળેલાં ગીતોની સંખ્યા પણ, અતિમર્યાદિત જ રહ્યાં. ખેર, એ વિષયાંતરને અટકાવીને આપણાં મૂળ વિષય તરફ પાછાં વળીએ.
મોહમંદ રફી અને ખય્યામના એ સહયોગની સાથે અનેક કહાનીઓનાં અનેક સ્વરૂપો સંકળાયેલાં છે, જેની સાથે આપણને નિસબત નથી. પરંતું આજના આ લેખની શરૂઆત આ બંનેની સહરચનાઓથી કરવા માટે તેનાથી વધારે ઉપયુક્ત કોઈ અન્ય આધાર હોઇ પણ ન શકે.
પૂછ ન હમસે દિલ કે ફસાને, ઈશ્ક કી બાતેં ઇશ્ક હી જાને – ગીતકાર: જાં નિસ્સાર અખ્તર – સંગીતકાર: ખય્યામ
પૂર્ણત: સાહિત્યિક રચના હોવા છતાં બોલ એટલા સરળ છે કે ભાવ બરાબર સમજાઈ જ જાય. એટલી જ ભાવાત્મક રીતે મોહમ્મદ રફી એ ભાવને રજૂ કરીને આપણને પણ ભાવના સમુદ્રમાં તલ્લીન કરી દે છે.
જે રેકોર્ડમાં આવાં ગીતો હોય તે ચપોચપ ઊપડતી ન રહે તો જ નવાઈ કહેવાય. કહેવાય છે કે ફાસ્ટ ગીતોને પસંદ કરતી પેઢીના સમયમાં આ રેકોર્ડે શાંત, અર્થપૂર્ણ અને ભાવવાહી ગૈર-ફિલ્મો માટે એક આગવું સ્થાન ઊભું કર્યું.
મોહમ્મદ રફીનાં અન્ય સંગીતકારોએ રચેલાં ગૈર-ફિલ્મ ગીતો તરફ વળતાં પહેલાં ખય્યામે રચેલું એક બીજું ગીત સાંભળીએ.
હિંદી ફિલ્મોમાં તેમનાં ગીતો બહુ પ્રચલિત ન થયાં પણ ગૈર-ફિલ્મી ગીતો અને ભજનો દ્વારા મધુકર રાજસ્થાની પોતાનું આગવું સ્થાન બનાવી રહ્યા.
અહીં તેમણે હૃદયનાં ઊંડાણમાંથી ઉદભવતા પ્રેમના ધ્વનિને ગીતના બોલમાં રજૂ કર્યો છે. મોહમ્મદ રફી પણ ગીતની એ સંવેદનાને પૂરેપૂરો ન્યાય કરે છે.
મોહમ્મદ રફીનાં ગૈર-ફિલ્મી ગીતો સામાન્યત: ગૈર-ફિલ્મી કવિઓ/શાયરોની રચનાઓ પર ગૈર-ફિલ્મી સંગીતકારોએ જ રેકોર્ડ કર્યાં છે. પરંતું મને ખ્યાલ છે તેમાં એક બહુ જ નોંધપાત્ર કહી શકાય એવો અપવાદ હવે પછીનું ગીત છે, જે હિંદી ફિલ્મોના બહુ જ જાણીતા ગીતકાર અને સંગીતકારે રચ્યું છે.
ઈસ દિલસે તેરી યાદ ભુલાઈ નહીં જાતી, યે પ્યાર કી દૌલત હૈ લુટાઈ નહીં જાતી – ગીતકાર: રાજેન્દ્ર ક્રુષ્ણ – સંગીતકાર: હંસરાજ બહલ
હંસરાજ બહલ – મોહમ્મદ રફીએ કે રાજેન્દ્ર કૃષ્ણ – મોહમ્મદ રફીએ આપણને અનેક યાદગાર ફિલ્મી ગીતો આપ્યાં છે.
અહીં રફી મુખડાથી જ ‘યા..દ ’ની સાથે નજાકતભરી હરકત કરે છે અને પછી ઊંચા સુરમાંથી નીચા સુરમાં સરી આવવાની તેમની હવે ખાસી જાણીતી શેલી પણ અહીં અખત્યાર કરે છે. ‘યે.. પ્યા ર કી દૌલત હૈ’ની તેમની હરકત પણ દિલમોહક છે. ફિલ્મી ગીતોની આટલી બધી ખાસીયતો છતાં પણ ગીત તત્ત્વતઃ: ગૈર-ફિલ્મી ગીતની આગવી પહેચાન જાળવી રાખે છે. મોહમ્મદ રફીનાં ગૈર-ફિલ્મી ગીતોની એક ખાસિયત એ હતી કે એ ગીતોના સંગીતકારોમાં, અને મહદ અંશે ગીતકારો, પણ સામાન્ય શ્રોતા વર્ગને માટે બહુ જાણીતા નહોતા. ગીત કે ગઝલો તો મોટા ભાગે સાહિત્યિક રચનાઓમાંથી પસંદ કરાતાં.
આવા એક સંગીતકાર છે તાજ અહમદ ખાન. નેટ પર તેમની બહુબધી રચનાઓ સાંભળવા મળે છે. જોકે તેમના વિશે લગભગ કંઇ જ માહિતી નેટ પર નથી મળતી. ઉર્દુ પદ્ય સાહિત્યનાં ખૂબ જ સન્માનીય ગણાય એવા શાયરોની રચનાઓને તેમણે ગૈર-ફિલ્મી ગીતો સ્વરૂપે મોહમ્મદ રફીનાં સ્વરમાં સ્વરબધ્ધ કરેલ છે. આ બધી જ પદ્ય રચનાઓ સામાન્યપણે હિંદી ફિલ્મી ગીતોમાં પ્રયોજાતી રચનાઓ કરતાં સમજવામાં વધારે કઠીન પણ જણાય. પરંતુ ધુનની બાંધણી અને ગાયકીમાં એવી ખૂબી હોય કે બોલના અર્થ ન સમજાય તો પણ ગીત સાંભળ્યા કરવું જરૂર ગમે.
મીર તકી મીર અઢારમી સદીના મિર્ઝા ગાલિબ જેટલા જ સન્માન્ય શાયર હતા.
આ પ્રકારની રચનાઓને અન્ય કલાકારોએ કેવી રીતે ગાઈ છે તે જાણવા પુરતું બેગમ અખ્તરના સ્વરમાં આ રચના સાંભળીએ. ગાયકી કે ગીત રચનાની જરા સરખી પણ સરખામણીમાં ઉતર્યા વગર આ જ રચનાને તાજ અહમદ ખાને મોહમ્મદ રફીના સ્વરમાં રજૂ કરી છે તે સાંભળીશું તો સમજી શકાશે કે મોહમ્મદ રફીનાં ગૈર ફિલ્મી ગીતો કેવાં અલગ જ અંદાજમાં રચાય છે.
બંને ગાયકોએ “જાનહ જાના હોગા” માં ‘જાનહ’ અને ‘જાના’ જેવા સામાન્યપણે એક જ સરખો ઉચ્ચાર કરાતો હોય એવા બે અલગ અર્થના (જાનહ = જાન અને જાના = જવું) શબ્દોને કેટલી ચીવટ અને શુધ્ધતાથી ગાયાં છે તે ખાસ ધ્યાન આપવાજોગ છે. ક્યા યાદ તુમ્હેં હમ આયેંગે ઈતની સી બાત બતાયેંગે– ગીતકાર: મધુકર રાજસ્થાની – સંગીતકાર: વિનોદ ચેટર્જી
મોહમ્મદ રફીનાં ગૈર-ફિલ્મી ગીતોને દરેક સંગીતકારે કેવાં અનુપમ રીતે સ્વરબધ્ધ કરેલ છે તેના અનેક શ્રેષ્ઠ ઉદાહરણો પૈકી આ એક ઉદાહરણ છે.
સીતારના બહુ જ સ્પષ્ટ રણકારનો પૂર્વાલાપ અને મોહમ્મદ રફીના આલાપનો એક નાનોસો ટુકડો તેમ જ ક્યાં... યા દ... તું.. મ્હેં...... હ.. મ... આ યેં ગે એવી શરૂઆત ગીતમાં રહેલા અરજના ભાવને પહેલેજ પગલે ઘૂંટે છે. ગીતમાં જે બોલ ફરી ફરીને આવે તે દરેકને અલગ અલગ જ અંદાજમાં રજૂ કરવાની મોહમ્મદ રફીની ‘હરકત’ ગીતના ભાવને વધારે નાજુક સ્વરૂપે રજૂ કરે છે॰
આટલું ઓછું પડતું હોય તેમ @2.25 પર ‘સ...બ.. ‘ને રફી જે રીતે લડાવે છે તે તો અદભુત છે.
નોંધ: આ ગીતના ગીતકાર અને સંગીતકારની માહિતી ઉપલબદ્ધ કરવા માટે શ્રી અરૂણ કુમાર દેશમુખે જે શ્રમ લીધો છે તેનો તો આભાર માનીએ તેટલો ઓછો પડે. તેમના મિત્ર, શ્રી દીપક ચૌધરી, પાસે આ રેકોર્ડ હાજરાહજૂર છે. !
હંસા બીચ ગગન રોયે, કોમલ પંખોં પર યે મૂરખ દેખો પરબત ઢોયે– ગીત અને સંગીત: શ્યામ શર્મા
શ્યામ શર્મા એચએમવીના કર્મચારી હતા. એચ એમ વી અને તેના જેવી રેકોર્ડ કપનીઓ પધ્ધતિસરનો સંગીત વિભાગ નીભાવતી, જે નવા નવા કલાકારોને શોધીને અથવા તો જાણીતા કલાકારો સાથે ગૈર-ફિલ્મી ગીતો રેકોર્ડ કરવામાં મદદરૂપ બનતાં. .શ્યામ શર્માએ સુમન કલ્યાણપુર સાથે પણ આ ક્ષેત્રે બહુ નોંધપાત્ર કામ કરેલ છે.
પોતાની એકલતાને દૂર કરવા સ્વપ્નમાં (પણ) આવી જવાની અરજ આટલા ભાવથી કોઈ પ્રેમી કરે તો કઈ પ્રેમિકા સામે જ આવીને ઊભી ન રહે !
રફી જે નાજુક ભાવથી ગીતની શરૂઆત કરે છે તે તો ખરેખર અલૌકિક જ છે. આખું ગીત સ્વગતોક્તિના સ્વરૂપે જ કહેવાય છે તે પણ કેટલું સ્પષ્ટ થઈ રહે છે ! જિને કા રાઝ મુહબ્બત મેં પા લિયા, જિસકા ભી ગમ હુઆ ઉસે અપના બના લિયા - ગીતકાર: મુઝ્ઝફર શાહજહાનપુરી – સંગીતકાર: ઇકબાલ કુરેશી
એકદમ ઘૂટાયેલો આલાપ અને એટલી જ મૃદુ બોલની શરૂઆત પ્રેમની અનુભૂતિના ભાવને એટલા સ્વાભાવિક ભાવથી રજૂ કરે છે જે કદાચ આટલી ઉત્કટતાથી વાસ્તવિક જીવનમાં પણ ન અનુભવાય ! મેં તો રાહોંમેં પડા પથ્થર હું સબ મુઝે ચુપચાપ રૌંદ કે ચલે ગયે - ગીતકાર: ? – સંગીતકાર: કમલ રાજસ્થાની
ગીતના ઉપાડથી જ એવું લાગ્યા કરે કે આ ગીત અને મૈં ટુટી હુઈ એક નૈયા હું (આદમી, ૧૯૬૮)માં ઘણી સામ્યતા છે. જોકે આ ગીત કયાં વર્ષમાં રચાયું છે તેને માહિતી મારી પાસે નથી એટલે કયું ગીત બીજાની પ્રેરણા લઈને બનાવાયું હશે એવો તુક્કો પણ ન લડાવવો જોઈએ..
ખેર, એ વાત મહત્ત્વની પણ નથી. મોહમ્મદ રફી દ્વારા નીચા સુરની રજુઆતમાં કરાયેલ ગમની પીડાની અદાયગી જ અહીં માણવાની છે. છેલ્લી કડીમાં એ વ્યથા જાણે સીમા પાર કરી જતી હોય તેમ રફી ઊંચા સુરમાં જાય છે અને પછી એવી લાગણીઓની વ્યર્થતા સમજાતી હોય તેમ પાછા મૂળ સુરમાં પાછા આવે છે. હવે પછીનાં ગીતનો ક્રમ આ ગીત પાછળ ગોઠવવાનો બીજો કોઈ જ આશય નથી એ ચોખવટ ભારપૂર્વક કરવાની સાથે એટલું જ કહેવાનું કે આજના આ લેખનો અંત આ ગીતથી લાવવામાં માત્ર અને માત્ર તેના બોલને જ ધ્યાનમાં રાખેલ છે.
