હિંદી ચિત્રપટ સંગીતના સુવર્ણ યુગથી સંકળાયેલાં બ્લૉગવિશ્વનો બ્લૉગોત્સવ - ૪_૨૦૧૮

હિંદી ચિત્રપટ સંગીતના સુવર્ણ યુગથી સંકળાયેલાં બ્લૉગવિશ્વ -  ૪ _૨૦૧૮ બ્લૉગોત્સવ સંસ્કરણમાં આપનું સ્વાગત છે.

આપાણા આ બ્લૉગોત્સ્વના એપ્રિલ, ૨૦૧૮ના અંકના પ્રારંભ માટે આપણે 'બૈસાખી'ને લગતા બે લેખો પસંદ  કર્યા છે.ઉત્તર ભારતમાં વૈશાખનો સંબંધ ખેતી નિર્ભર જીવન સાથે એક ઉત્સવની રીતે વણાઈ ગયેલ છે.

Celebrating Baisaakhi Bollywood Style.. - આ ઉત્સવને ફિલ્મમાં સૌ પ્રથમ વાર વણી લેવાનું શ્રેય કદાચ કેદાર શર્માને ફાળે જાય છે. ૧૯૪૭ની ફિલ્મ, 'દુનિયા એક સરાઈ'માં ‘ઓ આઈ બૈસાખી'માં શુધ્ધ ભાંગરા નૃત્યનો પ્રયોગ કરાયો છે.

Doing Something Different This Baisakhi માં એવા શીખ કલાકારોને યાદ કરાયા છે જેમણેહિંદી ફિલ્મોમાં કેમેરાની સામે કે કેમેરાની પાછળ ગીત લખવાનાં, ગીત રચના કરવાનાં ગાવાનાં કે ફિલ્માંકનનાં કામ જેવાં બહુવિધ કામો કર્યાં છે.

 યુવાન ગુલઝાર - શીખ પઘડીમાં

આપણે હવે એપ્રિલ, ૨૦૧૮ની જન્મ અને અવસાન તિથિઓની અંજલિઓ પરના લેખો પર નજ઼ર કરીશું.

BALRAJ SAHNI -A Journey from Shanti Niketan To Bollywood  -એક એવી સફર જે તેમની જન્મ તિથિના એકાદ મહિના પહેલાં, તેમની છેલ્લી ફિલ્મ, ગર્મ હવા,નાં ડબીંગ પછી તરત, ૧૩ એપ્રિલ, ૧૯૭૩ના રોજ  આટોપાઈ ગઈ.

દિલ્હી યુનિવર્સિટીનાં દિક્ષાંત પ્રવચનમાં બલરાજ સહાનીના વિચારોને સોનલ પરીખ દંભ છોડીએ પ્રતિભાને આદર આપતાં શીખીએ માં યાદ કરે છે.

Ace animator and filmmaker Bhimsain dies at 81 - ફિલ્મનિર્માતા ભીમસૈનનું મુંબઈમાં ૧૭-૪-૨૦૧૮ના રોજ અવસાન થયું. ૧૯૭૦માં ભીમસૈને પહેલી એનીમેટૅડ ફિલ્મ, The Climb,બનાવી જેને શીકાગો ઇન્ટરનેશનલ ફિલ્મ ફેસ્ટીવલમાં સિલ્વર હ્યુગો એવોર્ડ એનાયત થયો હતો. એ પછી વિવિધ વિષયો અને શૈલીઓને સ્પર્શતી ના, એક દો, મુન્ની, ફ્રીડમ ઈઝ અ થીન લાઈન, મેહમાન, કહાની હર ઝમાનેકી અને બીઝનેસ ઈઝ પીપલ બીઝનેસ  જેવી અનેક ફિલ્મો તેમણે કરી. આ ફિલ્મોમાં રાષ્ટ્રીય એવોર્ડ વિજેતા 'એક અનેક ઔર એકતા' (૧૯૭૪) ખુબ જાણીતી અને પસંદ કરાયેલ છે. આ ફિલ્મ બાળકો માટેની ફિલ્મ હતી. તેમણે ઘરોંદા (૧૯૭૬) પછી દૂરીયાં (૧૯૭૯) પણ નિર્દેશીત કરી.  ભીમસૈને તે પછી ઘણા ટીવી શૉ પણ કર્યા છે.

B R CHOPRA - One Of The Architect of Golden Era Of bollywood. - બી આર ચોપરાનું સૌથી પહેલું નિર્માણ નિષ્ફળ રહ્યું હતું. તે પછી તેમણે ૧૯૫૧માં અશોકકુમારને મુખ્ય ભૂમિકામાં લઈને ‘અફસાના’ નિર્દેશીત કરી. ૧૯૫૫માં તેમણે બી આર ફિલ્મ્સની સ્થાપના કરી અને પહેલી ફિલ્મ 'એક હી રાસ્તા'નું નિર્માણ કર્યું.

Black Sounds Beautiful  સીધા અર્થમાં, ક્લેરીનેટના સર્વોત્તમ જાઝ કલાકાર બેની ગુડમેનને અંજલિ છે. તેમની અસર આપણા સી રામચંદ્ર અને તેમના અરેંજર જોહ્ની ગોમ્સ પર કેટલી ગહરી પડી હતી તે ક્લેરીનેટના પ્રયોગ કરેલ રચનાઓમાંથી વો હમસે ચુપ  હૈ હમ ઉનસે ચુપ હૈ (સરગમ, ૧૯૫૦); તુમ ક્યા જાનો તુમ્હાતી યાદમેં હમ કીતના રોયે (સીન સીનાકી બુબલાબુ, ૧૯૫૨) જેવાં અનેક ગીતોમાં જોવા મળે છે. ...અહીંથી પૉસ્ટ હવે ક્લેરીનેટની ખૂબીઓનાં વર્ણનમાં વહે છે અને ક્લેરીનેટને અંજલી આપી શીર્ષક સાર્થક કરે છે.

Shakeel Badayuni - The Creator of Immortal Love,Romance and Dejection Songs - શકીલ બદાયુનીએ સામાજિક વિષયો પરનાં ગીતો નથી લખ્યાં , તેમ છતાં તેમનું આગવું સ્થાન બની રહ્યું છે.

G S Nepali-The Forgotten Lyricist   - ૧૯૪૪થી ૧૯૬૩ ના બે દાયકા સુધી જી એસ નેપાળીનો હિંદી ફિલ્મ જગત સાથે ગીતો ભર્યો સંબંધ  બન્યો રહ્યો.

People with Books in Hindi Cinema માં વિશ્વ પુસ્તક દિનની ઉજવણી હિંદી ફિલ્મોમાં પાત્ર પુસ્તક સાથે પર્દા પર પેશ થતાં હોય એવાં દસ દૃશ્યો રજૂ કરાયેલ છે.

એપ્રિલ, ૨૦૧૮માં વિસરાતી યાદો...સદા યાદ રહેતાં ગીતોમાં ‘હસરત જયપુરી : શંકર જયકિશન સિવાયના સંગીતકારોમાટે લખેલાં ગીતો - ૧૯૫૩થી ૧૯૫૫’માં હસરત જયપુરીએ શંકર જયકિશન સિવાયના અન્ય સંગીતકારો માટે લખેલ ગીતોની યાદ એપ્રિલ, ૨૦૧૭ના અંકથી આગળ વધે છે.

હસરત જયપુરી પર કેટલીક અન્ય અંજલિઓ Hasrat Jaipuri- The Poet who Defined Romance in Bollywood  અને The Masters: Hasrat Jaipuri પણ નોંધપાત્ર રહી છે. શ્રીકાંત ગૌતમે પણ તેમની નિયમિત કોલમમાં હસરત જયપુરીને અંજલિ આપી છે જે નીચે તેમના અન્ય લેખો સાથે વાંચી શકાશે.

અને હવે અન્ય વિષયો પરની રસપ્રદ પોસ્ટ્સ પર પણ ધ્યાન આપીએ:

Songs that tell a story - હિંદી ફિલ્મોમાં ગીત ખુદ જ એક કહાની સંભળાવતું હોય એવો પ્રકાર પણ નોંધપાત્ર રહેલ છે. પર્દા પર ગાયક બાળકોને વાર્તા કહી સંભળાવે એવા સીધે સીધા પ્રયોગથી લઈને એ પાત્ર પોતાનાં જીવનની કોઈ વાત કહી લેવાની તક ઝડપી લે એવાં ગીતો પણ આ લેખમાં સમાવી લેવાયાં છે.

Ten of my favourite Swimming Pool songs – '૬૦ના દાયકામાં સ્વીમીંગ પુલની આસપાસ ફિલ્મીકરણ કરવાનું ચલણ પ્રચલિત હતું. એ બહાને 'સૌંદર્ય'ને બને એટલું બતાડી શકાતું અને વળી એક સ-રસ ગીત પણ મૂકી શકાતું.

My Favourites: Bathroom Songs માં જાહેરમાં પોતાની ગાયન કળા રજૂ કરતાં શરમાતાં ગાયકોએ ગાયેલાં ગીતો નહીં પણ ફિલ્મના પર્દા પરનાં પાત્રોની નહાવાની મજાને બહુ સુંદર પાર્શ્વ સ્વરથી ભીંજાવતાં ગીતો રજૂ કરાયાં છે.

Amitabh Bachchan isn’t the only one who is unhappy about the 60-year cap on copyright -Archana Nathan - ફિલ્મ નિર્માતાઓ અને તેમનાં કુટુંબો પણ ફિલ્મો પરના તેમના વારસાઈ દાવાને પોતાનૉ હક્ક માને છે.

Mirror Mirror on the Wall – મિથ્યાભિમાન અને ગર્વ ઘણી વાર એક બીજાના પર્યાય તરીકે વપારાતાં હોય છે. હિંદી ફિલ્મોમાં આ ભાવનાં ગીતોને પ્રસ્તુત લેખમાં યાદ કરાયાં છે. ગીતની સાથે તેને પરદા પર રજૂ કરનાર કલાકાર, ગીતકાર અને ગર્વિષ્ઠ બોલ પણ રજૂ કરવામાં આવેલ છે.જેમ કે સમ્રાટ ચંદ્રગુપ્ત (૧૯૫૮)માં લતા મંગેશકરના સ્વરમાં ગવાયેલ ગીત - “મુઝે દેખ ચાંદ શરમાયે ઘટા થમ જાયે, મૈં નીકલું તો કહે હાયે - ઝમાના કહે હાયે"

Barsat Ki Raat Part 2: The Qawwali Duels - Monica Kar, with additional inputs from Peeyush Sharma, માં બરસાત કી રાત (૧૯૬૦) ની કવ્વાલીઓની મર્મીલી ખૂબીઓને વિગતે વર્ણવવામાં આવી છે. આ લેખન પહેલા ભાગમાં ફિલ્મનાં અન્ય - રોમેન્ટીક - ગીતોની ખૂબીઓ વર્ણવવામાં આવી હતી.

Praised to the Skies માં આકાશને આંબતાં વખાણથી ભરેલાં ગીતોને યાદ કરાયાં છે.

Songs Picturised in a Recording Studio - હિંદી ફિલ્મોમાં આકાશવાણીના સ્ટુડીયોમાં રેકર્ડ થતાં ગીતોનો પ્રકાર પણ રસમય રહ્યો છે. મોટા ભાગે ગીત ફિલ્મની વાર્તાનો ભાગ હોય અને પર્દા પર ફિલ્મનું પાત્ર તે ભજવે.  રેડીયો સંભળતાં અન્ય શ્રોતાઓ ગીત માણે અને જેને માટે એ ગીત ગવાયું હોય તેને સંદેશો પણ મળી જાય [મને આ વિષય પરનું 'આશીક઼'નું ગીત તુમ જો હમારે મીત ન હોતે યાદ આવે છે.]

Never on a Sunday - આપણે ત્યાં કહેવાય છે કે રવિવારે તુલસીને પાણી ન આપવું. જો કે આ લેખમાં તો તુલસીને પાણી પીવરાવતાં પીવરાવતાં ગવાયેલ ગીતોને યાદ કરાયાં છે. ….આ ઉપરાંત લેખનાં શીર્ષકને અનુરૂપ બીજી બે એવી પ્રવૃત્તિઓ પણ રજૂ કરવામાં આવી છે જે રવિવારે નથી કરાતી.!!!!!!

We may never watch it but a new book lets us read the script of Satyajit Ray’s unmade sci-fi film - ૧૯૬૭માં સત્યજીત રે એ કોલંબીઆ પિક્ચર્સના નેજા હેઠળ 'એલીયન' ફિલ્મ બનાવવા માટે પટકથા લખી હતી, જો કે કેટલાંક કારણોસર એ ફિલ્મ બની નહોતી.

હાર્પર કૉલીન્સ, ઈન્ડીયા માટે સંદીપ રે દ્વારા સંકલિત

Jaane Kya Dhoondti Rehti Hai: Of a World Where Love Is Incinerated -'શોલા ઔર શબનમ' (૧૯૬૧)ની નઝમ જાને ક્યા ઢૂંઢતી રહેતી હૈ એ હિંદી ફિલ્મોની શ્રેષ્ઠ આંતરમૂખી નઝમ પૈકી એક ગણાય છે.આનંદ દેસાઈ અને અંતરા નંદા મોંડલ ગીતની બારીકીઓને રજૂ કરે છે.

The ‘Bedardi’ Songs માં દુઃખી અને આનંદના ભાવનાં 'બેદર્દી' ગીતોને રજૂ કરાયાં છે.

The Tragedy Queen and the “Nautch Queen of New Jersey” (thoughts after reading two very informative articles) અનુક્રમે The Truth Behind Pakeezah Unveiled અને Nautch Queen of New Jersey  પરથી મીના કુમારી અને તેમનાં 'પાકીઝા'નાં ડુપ્લીકેટ પદ્મા ખન્નાને યાદ કરે છે.

સોંગ્સ ઑફ યોર પરની નિયમિત શ્રેણી Best songs of yearમાંનો Best songs of 1947: And the winners are? લેખ પ્રકાશિત થઈ ચૂક્યો છે. આપણે પણ ૧૯૪૭નાં ગીતોને ટુંક સમયમાં ચર્ચાની એરણે સાંભળીશું.

અને હવે મુલાકાત કરીએ અન્ય પ્રકાશનો પરની નિયમિત કોલમોની :

જન્મભૂમિ પ્રવાસીની રવિવારની 'મધુવન' પૂર્તિમાં શ્રીકાંત ગૌતમની 'રાગરંગ'  કોલમના એપ્રિલ, ૨૦૧૮ના લેખો:

પ્રારબ્ધ પ્રભુ,ભાગ્ય ભગવાન: લોટરીની લીલા

શીર્ષક ભૂમિકાનાં સરતાજ છતાં ગુમનામીની ગર્તમાં ગુમ

ટક ટક ટંકારથી ગીત ગુંજારવ

પોતીકાં જણાંએ બાળ્યાં, પારકાં જણ્યાં એ સંવાર્યાં

પ્રભાવી પાંચ થકી પ્રસિદ્ધિને પંથે

સોનલ પરીખ 'જન્મભૂમિ'ની 'મલ્ટિપ્લેક્ષ' પૂર્તિમાં કોઈ એક ગીતને લઈને 'છૂ કર મેરે મન કો' કોલમ કોલમના એપ્રિલ, ૨૦૧૮ના લેખો:

તુમ આ ગયે હો નૂર આ ગયા હૈ

સાથી ન સમજ, મુઝે સાથ તો આને દે

લો આ ગઈ યાદ વો નહીં આયે

'ગુજરાત સમાચાર'માં દર શુક્ર્વારે પ્રકાશિત થતી કોલમ 'સિને મેજિક'માં અજિત પોપટ એપ્રિલ, ૨૦૧૮માં 'મદન મોહન પરની લેખમાળા આગળ ધપાવે છે.:

મદન મોહનની રાગરાગિણી આધારિત અલૌકિક તર્જોની ઝલક
શાસ્ત્રીય સંગીત પ્રત્યે મદન મોહનને અનેરો લગાવ હતો, ગજબનું વ્યસન થઇ પડેલું...

મદન મોહનના પીલુ....

મહિનાના આખરી શુક્ર્વારે નવા સંગીતકાર પરના લેખની પરંપરામાં હાલમાં પ્રીતમ ઉપર લેખમાળા ચાલી રહી છે. એપ્રિલ, ૨૦૧૮ના છેલ્લા શુક્રવારે એક જ ડાયરેક્ટરની બે ફિલ્મોઃ સંગીત કોનું વધુ સારું હતું ...? માં પ્રીતમનાં રચિત ગીતોને મમળાવે છે..

એપ્રિલ, ૨૦૧૮માં વેબ ગુર્જરી પર 'ફિલ્મ સંગીતની સફર'માં પ્રકાશિત થયેલા લેખો:

ફિલ્મી ગીતોમાં પક્ષીઓ

કિશોરકુમારે ગાયેલાં મદનમોહનનાં ગીતો – દિલ દિલ સે મિલા કર દેખોં [૧]

બંદિશ એક, રૂપ અનેક – ૪૨ – नदिया धीरे बहो

ફિલ્મીગીતો સાથે સંકળાયેલ ફિલ્મના શીર્ષક (૬)

એક ગીતનાં અનેક સ્વરૂપ – ૯ – સરખા મુખડા, ફિલ્મો જૂદી, અંતરા અને બીજું ઘણું જૂદું :: [૨]

આપણા આ બ્લૉગોત્સવના દરેક અંકના અંતમાં આપણે મોહમ્મદ રફીને લગતો લેખ અથવા તો પોસ્ટમાં સામાન્યતઃ જે વિષયનું પ્રાધાન્ય હોય તેને અનુરૂપ ઓછાં સાંભળવા મળતાં મોહમ્મદ રફીનાં ગીતને યાદ કરતાં હોઈએ છીએ.

મૈં ખો ગયા કહીં - ૧૨ ઓ'ક્લૉક (૧૯૫૮) -  ઓ પી નય્યર - મજરૂહ સુલ્તાનપુરી

અજી હમસે બચ કર કહાં જાઈએગા - આરઝૂ (૧૯૬૬) - શંકર જયકિશન - હસરત જયપુરી 

આ બેદર્દી બાલમા - છોરા છોરી (૧૯૫૫) - લતા મંગેશકર સાથે - રોશન - કેદાર શર્મા

હિંદી ફિલ્મોનાં સુવર્ણ યુગની આપણી આ સફરને વધારે રસમય, આનંદપ્રદ અને વાચ્ય બનાવવા માટે આપનાં સૂચનો, ટીકા-ટિપ્પણીઓ તેમજ નવા સ્ત્રોતો માટેના સુઝાવો માટે  દિલથી ઈંતઝાર રહેશે.

ગુણવત્તા સંચાલન વિષેના લેખ અને બ્લૉગ્સનો બ્લૉગોત્સવ - એપ્રિલ, ૨૦૧૮

ગુણવત્તા સંચાલન વિષેના લેખ અને બ્લૉગ્સના બ્લૉગોત્સવનાં એપ્રિલ, ૨૦૧૮ સંસ્કરણમાં આપનું હાર્દિક સ્વાગત છે.

એપ્રિલ, ૨૦૧૮ના આપણા ગુણવત્તા બ્લૉગોત્સવના આ અંકમાં ચર્ચાને કેન્દ્ર સ્થાને આપણે ISO 45001:2018ને રાખીશું.

ઠીક ઠીક લાંબા ઈંતઝાર પછીથી  ૧૨ માર્ચ, ૨૦૧૮ના રોજ ISO 45001 is now published.

ISO 45001:2018ની ખાસીયતોને સમજવા માટે આપણે કેટલાક વિડીયો જોઈએ:

ISO 45001:2018 Occupational Health and Safety Management System (OH&SMS)

ISO 45001 Simplified

ISO 45001:2018 Overview - Safety Management System

OHSAS 18001:2007ની સરખામણીમાં ISO 45001: 2018માં શું શું નવી / સંવર્ધિત આવશ્યકતાઓ મુકાઈ છે તે પણ આ તબ્બકે જાણવું સ્વાભાવિકપણે રસપ્રદ બની રહે. આ વિષયમાં અલગ અલગ જગ્યાએ રજૂ થયેલા વિચારોને એક જગ્યાએ સંકલિત કરીને ISO 45001_2018ની OHSAS 18001_2007 સાથે સરખામણી અને ફેરફારોની સમજ-માર્ગદર્શન નોંધમાં રજૂ કરેલ છે. 

Making the migration from BS OHSAS 18001 to ISO/DIS 45001 માં જાણાવાયું છે કે ISO 45001માં મુખ્યત્વે ત્રણ વિષય-વસ્તુને આવરી લેવાયેલ છે:

૧. વરિષ્ઠ સંચાલન મંડળની પ્રતિબધ્ધતા -  ભયસ્થાનોની ઓળખને સલામતી સંચાલન સાથે સંકળાયેલ લોકોને સોંપી દેવામાં 18001માં પ્રતિક્રિયાત્મક અભિગમ દેખાતો હતો.45001માં હવે 'નેતૃત્ત્વ' - કે વરિષ્ઠ સંચાલન મંડળની - પ્રતિબધ્ધતાની સાથે કારીગરોની પણ સહભાગીતાને સામેલ કરીને ઊપરથી નીચે સુધીનો દૃષ્ટિકોણ અપનાવાયો છે.

૨. કારીગરોનો સમાવેશ - સ્ટાન્ડર્ડનાં દરેક મહત્ત્વનાં ઘટકમાં કારીગરોની સહભાગીતા અને પરામર્શને ચોક્કસ સ્થાન અપાયું છે. કારીગરોની સહભાગીતામાંની અડચણોને દૂર કરવાના આશયથી તેમ જ એ પ્રક્રિયામાં વધારે પારદર્શીતા લાવવાના આશયથી આંતરિક ઓડીટનાં પરિણામોની તેમ જ ઘટનાની શોધ-તપાસનાં લાગતાંવળગતાં પરિણામોની માહિતી કારીગરોને મળે તેવી જોગવાઈઓ કરવામાં આવેલ છે.

૩. જોખમો અને ભયસ્થાનો – ISO 45001માં ભયસ્થાનોને ઓળખી લેવા માટે અને તેને લગતાં જોખમોનાં નિયમન પગલાં લેવા અંગે બહુ પહેલે આયોજન કરવાનું સૂચવાયું છે. આંતરિક ઓડીટ, JSAs અને SWMS જેમ જેવાં સાધનોની મદદથી કામ પહેલાં જ જોખમ મૂલ્યાંકન અને કાર્યસ્થળની વ્યાવસાયિક આરોગ્ય અને સલામતીની દૃષ્ટિએ દેખરેખ જેવી પ્રવૃત્તિઓમાં નવા માપદંડો પ્રસ્થાપિત થશે.

હાલમાં OHSAS 18001 સ્ટાન્ડર્ડ અનુવર્તીત સંસ્થાઓ ISO 45001 પ્રકાશિત થયાના ૩ વર્ષમાં - ૧૨ માર્ચ, ૨૦૨૧ સુધીમાં - નવાં સ્ટાન્ડર્ડ અનુસાર પ્રમાણિત થવાનું રહે છે. –

Migration to ISO 45001 - Transitioning to ISO 45001 - How to get started

Migration from OHSAS 18001 to ISO 45001

PECBએ સ્ટાન્ડર્ડના અમલ માટે ISO 45001 Key Implementation Steps  

અને તેના વડે સંસ્થાની સમગ્ર કામગીરીનું સ્તર ઉત્કૃષ્ટ કઈ રીતે બની શકે તે માટે Using ISO 45001 to Achieve Excellence in OH&S Management and Performance જેવા બહુ માહિતીપ્રદ વિડીયો રજૂ કરેલ છે.

નવાં સ્ટાન્ડર્ડને લગતી વધારાની માહિતી માટે અધિકૃત સ્રોત તરીકે

• ISO’s web site www.iso.org
• ISO’s dedicated microsite at: https://spotlight.iso.org/iso45001, અને
• The ISO/PC 283 web site, https://committee.iso.org/pc283

સૂચવવામાં આવેલ છે.

હવે આપણે આપણું ધ્યાન આપણા નિયમિત વિભાગો તરફ વાળીશું.

Management Matters Network પરની કોલમ – Measurement-Driven Management માં Paul Nivenના  The First Law of Creating OKRs ને ધ્યાન પર લઈશું. તત્ત્વતઃ, ગમે તેટલું આપણે ઈચ્છીએ કે મથીએ, હેતુઓ અને ખાસ જવાબદારીઓ (OKRs)કર્મચારીઓની વ્યૂહાત્મક સમજના અભાવ અતિક્રમી ન શકે. ખરેખર, તો તેનાથી ઉલટું સાચું ગણી શકાય, જે આ લેખનું શીર્ષક સૂચવી જાય છે.   .

આપણા આજના અંકના ASQ TV પરનાં વૃતાંત :

• Living the Tiny House Lifestyle - કારેન ચૌડેર અને તેમના પતિ ટચુકડું ઘર કેમ બાંધતાં રહ્યાં છે જેના વડે તેઓ સાવ જ નવી જીવનશૈલી તરફ સંક્રમણ કરી રહ્યાં છે તે જીવન માટે ગુણવત્તા (Quality for Life) શ્રેણીના આ વૃતાંતમાં સમજાવે છે.
• New Competencies for the Quality Professional - પૅટ લા લોન્ડે અને લીઝ કીમ ગુણવત્તા વ્યાવસાયિકોનાં ભવિષ્ય વિષેનાં સંશોધનની દેખરેખ કરતાં હતાં. આજના વૃતાંતમાં નિયોક્તા અને ગ્રાહકો માટે અગ્રણી તરીકે સુસંગત રહેવા માટે ગુણવત્તા વ્યાવસાયિકોએ કઈ કઈ નવી ક્ષમતાઓ મેળવવી જોઈશે તેની તેઓ ચર્ચા કરે છે.

Jim L. Smithનાં માર્ચ, ૨૦૧૮ની Jim’s Gems પૉસ્ટ:

• Focus: આપણે કોઈ પણ વાતાવરણમાં રહેતાં હોઇએ, પરંતુ આજના સમયમાં આપણી સામે પસંદગીઓના અનેક વિધ વિકલ્પો ખડકાયેલા રહે છે. પસંદગીના આટલા બધા વિકલ્પો મુંઝવી
  
  નાખનારા તો છે પણ તે સાથે ક્યારેક એટલા અભિભૂત કરનાર પણ પરવડે છે કે આપણે આપણી શાનભાન પણ કદાચ ભૂલી બેસીએ…હા, એક વાર જો ધ્યાન કેન્દ્રીત કરતાં આવડે તો, બહુવિધ પસંદગીઓની ભૂલભુલામણી અદૃશ્ય થઈ જાય છે. એ અર્થમાં ધ્યાન કેન્દ્રીત કરવું એટલે સ્પષ્ટતા રાખવી.…કોઈ ઘટના કે સમસ્યા કે વ્યક્તિ પર ધ્યાન કેન્દ્રીત કરવાથી આપણે આપણામાંની બધી ઉર્જાને એ વિષે કેન્દ્રીત કરીએ છીએ; અને તેથી કરીને બધી આલતુફાલતુ કે અસંગત બાબતો એક બાજૂ હડસેલાઈ જાય છે. જ્યારે આપણું ધ્યાન અનેક મોરચે જરૂરી હોય એવી સમસ્યા વચ્ચે આપણે ઘેરાયેલ હોઈએ ત્યારે પણ આ તકનીક એટલી જ કામ આવી શકે છે. જીવનનું એક સત્ય યાદ
  
  રાખવું જોઈએ - જેમ સામે દેખાતી ઘણી બધી બાબતોમાંથી કેમેરાને ક્યાં  ફોકસ કરવો અને કઈ બાબતો તસ્વીરની ફ્રેમની બહાર રાખી દેવી એ એક ફોટોગ્રાફર નક્કી કરે છે તેમ આપણે ક્યાં અને શેના પર ધ્યાન કેન્દ્રીત કરવા માગીએ છીએ તેના પરથી આપણા જીવનનો અનુભવ ઘડાય છે. ફોટો પાડતી વખતે કેમેરા હલી જાય અને તસ્વીર ધુંધળી અને અસ્પષ્ટ આવે છે જેમ આપણે પણ જો આપણાં ધ્યાનને ભટકી જવા દેશું તો આપણે ગુંચવાયેલાં અને દિશાવિહિન બની જશું.

રોજબરોજનાં અંગત તેમ જ વ્યવાસાયિક જીવનને લગતા ગુણવત્તાને લગતા લેખો દ્વારા બ્લૉગપોસ્ટસના આપણા બ્લૉગોત્સવને વધારે ને વધારે રસપ્રદ અને ઉપયોગી બનાવવા માટે આપનાં સૂચનો, ટિપ્પણીઓ, ટીકાઓ કે નવા વિચારો જરૂરથી મોકલશો.

આ અંકમાં દર્શાવેલ ઇમેજના પ્રકાશાનાધિકાર તેના રચયિતાના જ રહે છે.